CAGAYAN DE ORO CITY – Patay ang usa ka retiradong pulis human madusmo ang iyang motor sa under construction nga tulay sa Tagoloan, Misamis Oriental kagabii.
Giila sa Tagoloan Police Station ang biktima nga si retired Police Executive Master Sargent Jacinto Torillo Lorena, hingkod ang edad ug molopyo sa Brgy Natumulan sa susamang dapit.
Base sa report, mibangga ang XRM kolor puti nga Honda motor ang gi-drayban sa biktima sa guba nga bahin sa tulay nga mi-resulta sa iyang head injuries.
Dead on arrival ang biktima sa dihang nahiling sa mga doktor sa gidad-an nga ospital.
