CAGAYAN DE ORO CITY – Nasikop sa entrapment operation sa laing higayon ang kanhi pulis nga babaye tungod sa isyu sa pagpangilad sa pipila ka aplikante sa pagka-non uniform personnel o NUP diha sa Velez Street ning syudad.
Giila ni Carmen Police Station commander Maj Mario Mantala Jr ang dinakpan nga si dismissed Police Corporal Cherry Lou Licayan,hingkod ang edad ug nagpuyo sa dakbayan.
Gibutyag ni Mantala nga dunay tulo ka NUP applicants ang midangop kanila hinungdang gikasa ang operasyon kuyog ang uban COCPO units.
Nakompiskar gikan sa suspek ang genuine nga P1,000 money ug laing 15-mil pesos nga pekeng salapi atol sa operasyon.
Si Licayan ang kanhi na usab nasikop sa susama nga modus operandi sa miaging katuigan hinungdan sa pagkatangtang sa serbisyo sa PNP.
