CAGAYAN DE ORO CITY-Nasikop sa PDEA-10 ang 5 ka suspected drug pushers-users sulod sa gikonsiderar nga drug den diha sa Tejero Subd.Brgy Patag sa dakbayan kagabii.
Giila ang mga dinakpan nga si Douglas Pimentel Galam kinsa target sa anti-illegal drugs operations.
Gibutyag ni PDEA agent Ben Calibre nga nasikop usab nila si Atty Ben Johnson Pabelic kinsa kanhi clerk of court sa Regional Trial Court Branch 37 sa syudad.
Gilakop usab pagdakop sila national dart player Alex Tagarao,Derick Du ug Richard Tejero.
Nakuha gikan sa mga suspek ang 30 gramo nga shabu diin nagbalor sa dos sientos mil
pesos nga estimated street value.
Bugtong si Tagarao lamang ang negatibo sa paggamit sa shabu sa dihang gipaubos sila sa drug test.
Gihimakak sa negosyante nga si Galam nga nalambigit kini sa pagbaligya’g gidiling droga diha sa Brgy Patag sa syudad.
Kini sukwahi sa pasangil sa PDEA nga nakuhaan siya’g balor dos sientos miel pesos nga suspected shabu atol sa operasyon kagabii.
Namugos si Galam nga nag-‘magic’ lamang ang taga-PDEA sa ilang na-rekober nga shabu sulod sa iyang pinuy-anan.
