Dugang onse ka mga indibidwal ang girekomendar sa Independent Commission for Infrastructure (ICI) nga kasuhan sa Office of the Ombudsman tungod sa kalambigitan sa flood control corruption scandal sa Department of Public Works and Highways (DPWH).
Gipahibalo ni ICI Chairperson Retired Justice Andres Reyes Jr., nga gisumiter na sa komisyon ang listahan sa mga ngalan nga naglakip sa kanhi senador Bong Revilla Jr., Maynard Ngu, Carleen Villa, Gerard Opulencia, Manny Bulusan, Ruel Umali, Gene Ryan Altea, Carleen Yap-Villa, J.Y. Dela Rosa, Mrs. Patron, ug Carlo Aguilar.
Ang mga kaso nga ipasaka naglakip sa plunder, bribery, ug corruption of public officials.
Ipatawag usab sa ICI ang pipila ka mga senador ug kanhi senador sama nila Chiz Escudero, Mark Villar, Nancy Binay, ug Grace Poe Llamanzares tungod sa bug-at nga alegasyon nga gibato kanila.
