Naka-move on na ang actor turned politician nga si Ramon “Bong” Revilla Jr., gikan sa iyang kaparutan sa milabay nga piliay.
Subay sa ilang lab-as nga social media post, iyang gipasalamatan ang kapin 12 milyon ka mga Pilipino nga mibotar kaniya ug nagtoo nga mapadayon niini ang iyang trabaho sa senado.
Miingon ang kanhi senador nga nadawat na niya ang resulta ug iyang gitimbaya ang kadaugan sa iyang mga higala sa senado, ilane na sila Senador Bong Go, Bam Aquino, Bato dela Rosa, Erwin Tulfo, Kiko Pangilinan, Ping Lacson, Tito Sotto, Camille Villar, Imee Marcos, iyang kauban sa showbis nga si Lito Lapid, ug espesyal nga pagtimbaya kang Atty Rodante Marcoleta, isip new comer sa senado.
Hisayran nga milanding lamang sa ika 14 nga puwesto si Revilla senatorial race.
Siya miingon nga laraw niyang magpahuway ug ipahinungod ang mas daghang panahon sa iyang pamilya ilabe na sa iyang mga apo.
Una niini, bisan wala siya nakadaug, daghan sa iyang pamilya ang nangharus sa posisyon sa 2025 Midterm Elections.
Si Lanie Mercado, iyang kapikas, midaug isip kongresista sa segundo distrito sa Cavite, kay walay kaatbang.
Midaug usab si Ram Revilla Bautista isip Vice Governor sa Region 4-A Cavite; ang iyang anak nga si Jolo maoy midaug isip kongresista sa Distrito Uno sa Cavite.
Samtang ang laing usa pa ka anak ni Bong maoy representante sa Agimat Partylist.
