CAGAYAN DE ORO CITY-Gipadaplin sa kapolisan ang anggulo nga naghikog ang kanhi kapitan sa barko diin nakit-an ang patay’ng lawas sulod sa kuwarto sa iyang pinuy-anan diha sa Villa Cristo Rey Subd,Brgy Bonbon sa syudad.
Kini human dagha’g dinunggaban ang lawas ug bun-og ang ulo sa biktima nga si Dante Calajap nga lumad nagpuyo sa Ozamiz City.
Gibutyag ni Carmen Police Station commander C/Insp Ritchie Salva nga wala una nila wad-a ang posibilidad nga pagpanulis diin nahinaykan ang biktima.
Nasuta nga nagdumala usab ang biktima sa pipila ka jeep pasayruhan diin gitugtan niini nga dad-on sa iyang mga driver ang mga sakyanan sa ilang mga pinuy-anan.
Samtang dili makatumbok ang kanhi kapikas sa retired ship captain kon unsa ang hinungdan pagpatay sa biktima sulod sa kuwarto niini diha sa Villa Cristo Rey Subd,Brgy Bonbon sa syudad kagahapong adlawa.
Gibutyag ni Elsie Calajap nga bugtong nasulti sa biktima nga may mga tawo nga nakautang kaniya nga dugay kaayo mobayad.Si Calajap miingon nga wala na kaayo niini na-monitor ang kalihukan sa biktima ilabina nga 18 ka tuig na sila nga nagkabulag tungod sa bisyo sa babaye.
