Gi-rekomendar sa naglangkob sa Independent Commission for Infrastructure/ICI nga kasuhan sa Ombudsman ang pipila ka dagkong personalidad nga giingong nalambigit sa flood control projects corruption scandal.
Kini subay sa gilugwa ni ICI chairman Andres Reyes nga maoy nangulo sa imbestigasyon kabahin sa isyu.Apil sa pakasuhan sila kanhi DPWH Usec Roberto Bernardo;Sen. Joel Villanueva;Sen. Jinggoy Estrada kanhi Ako Bicol partylist Rep. Zaldy Co;COA Commissioner Mario Lipana ug kanhi kanhi Cong. Mitch Cajayon-Uy.
Apan daghan ang misaka’g kilay kay pabiling wala ang ngalan sa ig-agaw ni Pres Bongbong Marcos nga si kanhi House Speaker Martin Romualdez kinsa gitudlo ni retired Philippine Marines Staff Sgt Orly Guteza nga direktang nagsugo kanila nga tighatod sa mga ‘basura’ nga sinulod sa mga maleta.
Ang gitumbok ni Guteza nga mga basura mao ang minilyong kuwarta nga daw gibahin-bahin ni Co ug Romualdez apan kining maong pasangil ang kusganong gihimamak sa duruha.
Hisayrang nagpaila si Guteza nga kanhi konektado kang Co.
