CAGAYAN DE ORO CITY – Gikasuhan sa kapolisan sa frustrated murder ang kanhi sundalo sa 4th ID,Philippine Army nga unang namusil sa retiradong pulis samtang dunay gipalit sa talipapa sa Zone 7,Brgy Canitoan ning syudad.
Kini bisan kon napatay ni retired Senior Master Sgt Amel Petallo si dismissed PFC Michael Socrate sa ilang pagpinusilay gamit ang tagsa-tagsa ka armas sa maong lugar sa miaging adlaw’ng Domingo.
Gibutyag ni Bulua Police Station commander Maj Jerson Estanilla nga lakip sa gikasuhan ang nag-drive sa motorsiklo nga gisakyan ni Socrate sa wala pa nahitabo ang kremin.
Miingon si Estanilla nga kon dili usab makatunga ang kabanay ni Socrate sa ilang buhatan ning adlawa,mapugos sila’g buhi kang Petallo aron dili nila masupak ang balaod.
