CAGAYAN DE ORO CITY – Nakusahan na sa PDEA 10 ang kanhi sundalo nga una nila nga nasikop sa anti-illega drug buy bust operation diha sa Iligan City.
Giila ni Agent Wax sa PDEA-Lanao del Norte ang suspek nga si kanhi PFC Mcrome Lozada kinsa kaniadto sa 500 Combat Engineering Battalion nga nakabase sa Marawi City.
Miingon si Agent Wax nga upat ka kaso ang napasaka nila sa piskalya batok sa suspek sa Iligan City kagahapong adlawa.
Una nang narekober gikan sa suspek sulod sa motel ang balor 136-mil nga suspected shabu,buy bust money ug ubang drug paraphernalia.
Dugtong usab niini,gibutyag sa 1st Infantry ‘TABAK’ Division nga gikaulaw nila ang gihimo ni Lozada ug dili mahitabo nga tugtan sa AFP nga dunay ilang mga sundalo nga malambigit sa pagbaligya ug paggamit sa illegal nga droga.
