CAGAYAN DE ORO CITY – Nagpasakop na’g balik sa gobierno ang kanhi commanding officer sa CPP-NPA’s SPP5,Guerilla Front 6,Sub-Regional Committee nga adunay operational area sa North Central Mindanao Committee.
Gibutyag ni Col. Jovit Caluway,provincial director sa Bukidnon PNP nga dala pagkanaug ni Aldie Salusad alyas Botchoy nga taga-Brgy Dao,San Fernando,Bukidnon ang napulo ka armas.
Kini gilakipan sa pito ka attack rifles, shotgun ug duha ka mugbong armas.
Siya miingon nga tungod sa dugay nga sulod sa armadong kalihukan, nag-atubang sa 24 ka arrest warrant tungod sa mga kasong murder, frustrated murder, carnapping, ug robbery in band.
Sa karon, nagpabilin sa kustodiya sa PNP ang maong kanhi lider samtang ginaproseso ang kaso niini.
Si Botchoy ang usa lang sa NPA commanders ang naglihok sa Bukidnon nga nakahukom talikdan ang armadong pakig-asdang.
Hisayrang sa miaging katuigan,mitahan usab si Randy Bayot kay nagkagubot na ang sulod nga bahin sa CPP-NPA.
