CAGAYAN DE ORO CITY – Gibarugan sa kanhi transgender nga dakong pagpihig sa katungod sa kadaghanan ang gipamugos sa Kongreso nga Sexual Orientation and Gender Identity and Expression Equality o SOGIE bill.
Kini tungod kay nag-sentro lamang ang maong balaodnon sa kagustuhan sa Lesbian, Gay, Bisexual and Transgender o LGBT community.
Miingon si Pastor Gaviso Santiago,founder sa LGBT Christ Philippines Incorporated nga mas gusto niya ang patas nga balaod ug wala maka-sentro lamang sa pipila sa katilingban.Si Santiago ang kanhi nagpailis sa iyang kinatawo isip lalaki ngadto sa pagka-babaye.
Apan paglabay sa pipila ka katuigan,kalit kining nakahukom mga mobalik sa pagka-homosexual.
Samtang angay lamang ituki sa publiko ang isyu sa SOGIE bill.Kini tungod kay sensitibo ang maong isyu nga nagkinahanglan nga pagpasabot ilabina nga dugay nga panahon nga giingong napihig ang LGBT community sa nasud.
Namahayag si Rey Namocatcat sa TINGUG LGBT Cagayan de Oro nga dili basehan ang isyu sa relihiyon kay mag-resulta lamang kini sa lapad nga diskriminasyon ngadto kanila.
Namugos si Namocatcat nga nangayo lamang sila’g patas nga pagtagad sa publiko rason nga gusto nila ipasar ang SOGIE bill sa Kongreso.
