CAGAYAN DE ORO CITY-Giila na karon sa Special Investigation Task Group
o SITG nga ‘prime person on interest’ si detained Architect Rey Galua.
Kini human bug-at ang pagduda sa SITG nga si Galua ang adunay labing bug-at
nga rason aron ipapatay si USTP president Dr Ricardo Rotoras ning syudad.
Miingon si SITG spokesperson C/Insp Mardi Hortillosa nga posibleng nahitabo kini tungod sa mga ebedensiya nga magdugtong sa kasuko ni Galua ngadto kang Rotoras.
Si Rotoras ang gipusil-patay sa duha ka armadong tawo sa Upper Carmen sa syudad tuig 2017.
