CAGAYAN DE ORO CITY – Gipaabot sa naglangkob sa 20th City Council ang ilang pasubo ngadto sa pamilya ni late 1st District City Councilor Atty. Alvin Roa Calingin nga upat ka termino nga nagsilbing kagawad sa dakbayan.
Kini human nakompirmar sa konseho ang kamatayon ni Calingin gikan sa pamilay ug mga kabanay niini karong adlawa lamang.
Gipalabang pinaagi ni City Council Majority Leader Kag. Edgar Cabanlas ang usa ka resolusyon diin gi-aprobahan sa konseho nga nagpadayag sa kasub-anan sa gidangatan sa kanhi nila kauban sa konseho.
Saysay ni Cabanlas nga taas nga panahon nga nagkauban ni Calingin diin siya saksi sa kakugi sa trabaho niini isip konsehal sa dakbayan.
Si Calingin ang nagsilbing sakop sa mayoriya sa konseho sa kaniadto sa administrasyon ni late City Mayor Vicente ‘Dongkoy’ Emano.
Gani sa May 2022 elections,milansad usab sa laing elective position si Calingin apan gikulang ang suporta nga nakiuha niya gikan sa mga botante.
