Gikuwestiyon sa mga miyembro sa Academe kung nganong adunay pabor-pabor sa hearing sa Independent Commission on Infrastructure (ICI). Gikondinar ni Mussolini Sinsuat Lidasan, Executive Director sa Al Qualam Institute sa Ateneo de Davao University, ang paglusad sa executive sessions sa ICI, sama sa hangyo ni Presidential Son – Congressman Sandro Marcos. Alang kang Lidasan, kung matinud-anon ang komisyon, kinahanglan itratar nila ang tanan resource person nga patas, subay sa mando sa transparency sa accountability sa mga pampublikong opisyal. Nakita sa magtutudlo nga napakyas ang ICI sa maong senaryo, ilabi na kay mi-resign si ICI Commissioner Rogelio “Babes” Singson tungod sa pagduda nga wala siya mitugot sa pagpatuman sa mga executive sessions. Para kang Lidasan, implikasyon kini nga huyang ang ICI ug dili masaligan, kay gihimo lang silang “puppet” sa mga dagkong personalidad nga dili gusto masayran sa publiko ang ilang tinuod nga kalambigitan sa large-scale corruption scandal sa Department of Public Works and Highways (DPWH) Flood Control Project, lakip pa sa mga infrastructure insertions nga nahitabo sa GAA 2024 sa GAA 2025.
