CAGAYAN DE ORO CITY, Philippines – Adunay gahum ang presidente nga dili ipatunga ang iyang miyembro sa Gabinete sa ikaduhang pagdungog nga gilusad sa Senate Committee on Foreign Relations, ug gipanguluhan ni Senador Imee Marcos.
Namahayag sa Citizens Watch For Good Governance (CWGG) Convernor Atty Antonio Soriano nga migamit sa “exercise in utility” ang senador aron mapasabot sa publiko nga ang pagpatambong sa mga Cabinet officials sa hearing, usa ka paningkamot nga adunay kapuslanan o tumong sa gihimong imbestigasyon sa senado.
Kini nagpunting sa panginahanglan nga ang mga hearing mahimong epektibo ug makatabang sa klaripikasyon sa impormasyon nga gamiton sa pag-imbestiga sa mga isyu, ug pagpanalipod sa sihag (transparancy) ug pagpanlipod sa pagtubag (accountability) sa gobyerno.
Sa kaso sa hearing bahin sa pag-aresto ni kanhi Presidente Rodrigo Duterte, si Senador Marcos nagtuo nga ang presensya sa mga opisyal sa gobyerno importante aron masabtan ug masulbad ang mga isyu nga naglibot sa maong kaso.
Ang iyang pagsaway sa paggamit sa executive privilege nagpakita nga gusto niya nga ang hearing mahimong usa ka tinuod nga “exercise in utility” ug dili lang usa ka pormalidad.
Apan kining tanan gisupak sa iyang igsoon nga si Presidente Ferdinand Marcos, human gipalugwa sa opisina sa Executive Secretary nga dili na patambungon sa ikaduhang hearing ang tanan niyang miyembro sa gabinete.
