Kapin gatus ka tuig nga pagka-priso ang silot sa upat ka kanhi opisyal sa Philippine Amusement and Gaming Corporation (PAGCOR) human namapatud-ang guilty sa kasong graft ug lima ka kaso sa malversation.
Lakip sa gitakdang ibalhog sa prisohan sila exPagcor Chief Efraim Genuino, exPagcor president Rafael Francisco, senior vice president (SVP) Rene Figueroa, SVP Edward “Dodie” King, ug ang kasamtangang assistant vice president Valente Custodio.
Ang ilang krimen naglakip sa ilegal nga paggahin sa P45.1 milyon nga pondo sa gobyerno alang sa promotional expenses sa BIDA Foundation, usa ka organisasyon nga gitukod ni Genuino.
Laing kaso usab ang gipasaka kanila human sila nagpagawas sa minilyong pundo alang sa laing laing proyekto sa BIDA Foundation nga wala muagi sa tukmang proseso sa bidding.
