Namugos ang Department of Education nga ang expanded career progression makatabang matabangan sa mga magtutudlo nga dili na magretiro isip Teacher 1, subay sa mando ni Presidente Ferdinand Marcos Jr.
Apan giangkon sa ACT Teachers Region-10, nga lisod ug sukwahi sa tumong ang aktuwal nga epekto sa polisiya, diin ang proseso sa promotion nahimong sama sa kalisud sa pag-agi sa buslot sa dagom.
Gibutyag ni Roland Cruz nga mas gipabug-at pa ang mga rekisitos ug wala matumbok ang tinuod nga panginahanglan sa mga magtutudlo.
Nanghinaot ang mga magtutudlo nga hatagan sa konsiderasyon ang “length of service” ug mga training certificates isip alternatibong kwalipikasyon sa promotion, ug dili lang ang taas nga edukasyon.
