CAGAYAN DE ORO CITY, Philippines – Mas gipalapad pa sa Philippine Health Insurance Corporation (PhilHealth) ang ilang medical packages alang sa tuig 2025.
Gibutyag sa presidente sa PhilHealth ug Chief Executive Officer Emmanuel Ledesma Jr., nga ang ilang bag-ong benepisyo alang sa ilang miyembro mulangkob sa pag-abaga sa galastuhon sa ischemic heart disease-acute myocardial infarction; Z Package alang sa peritoneal dialysis; Z Package alang sa kidney transplantation; preventive oral health services sama sa pagpaibot sa ngipon, pagpalimpyo, oral screening, fluoride varnish application, pit and fissure sealants, Class V restoration procedures nga limitado lamang sa duha ka ngipon kada tuig.
Abagahon sa PhilHealth ang galastuhon sa mga outpatient o pasyente nga madala sa Emergency Room (ER) gumikan sa lifethreatening disease nga dili ra maabtan sa 24 oras ang pagpa-alim.
Nagpadumdum si Ledesma nga adecer mugamit sa bag-ong benepisyo, pangutan-a kung ang hospital accredited ba sa Philhealth aron mapuslan ang bag-ong mga medical packages.
Gipasalig ni Ledesma nga dili muresulta sa premium hike ang ilang pagpatuman sa 9,000 ka ihap sa expanded packages.
Ipatuman ang bag-ong benepisyo sa PhilHealth, epektibo Enero 1, 2025.
