Giklaro sa Land Transportation Office Region 10 (LTO-10) nga bisan pa’g expired ang rehistro sa motorsiklo, dili kini babag aron makuha ang plaka.
Sumala ni LTO-10 Spokesperson Ferdinand Flores, igo lang ipakita ang Official Receipt (OR), Certificate of Registration (CR), ug valid driver’s license sa tag-iya aron mahatag ang plaka.
Apan gi-awhag gihapon sa ahensya ang mga motorista nga iparehistro ang ilang sakyanan aron malikayan ang dakop panahon sa mga operasyon.
Gipasabot ni Flores nga dili ihatag ang plaka kung walay kumpletong dokumento nga ipresentar.
Sa laing bahin, gipaspasan sa LTO ang distribusyon sa mga plaka sa dakbayan.
Bukas ang LTO sa ilang mga opisina sa Limketkai ug SM Uptown. Ipadayon sa ahenya ang ilang mga barangay caravan aron mas mapaduol ang serbisyo sa katawhan.
Interviewd by Bombo Jerum Bacud via ZONA LIBRE Contributor: Zen Cahatol
