CAGAYAN DE ORO CITY – Mi-resbak si ABC President ug 2nd District City Councilor elect Alam Lim gamit ang iyang kaugalingong expose batok sa giingong mga kahiwian ni Gusa Brgy Kapitan Marlo Tabac sulod sa Liga ng Kapitanes sa syudad.
Kini human gibulgar ni Lim ang giingong pagwaldas ni Tabac sa brgy checking account alang sa iyang personal interest ug pag-release sa mga tseke nga kulang sulod nga pondo
Namugos ang opisyal nga dayag na kini nga pagbudhi sa pagsalig sa katawhan rason nga gihukman siya sa 64 ka brgy kapitanes nga sipaon sa pagka-ABC vice president.
Dili usab kini angay mahimong sunod nga presidente kay bisan sa kaugalingong mga empleyado sa brgy,maglisod sa paghatag sa mga binulan nga suhulan.
Gidugang ni Alam nga pagpugong sa pondo alang sa Sangguniang Kabataan tungod sa giingong pagwaldas sa panalapi sa opisina.
Una niini,gibulgar ni Tabac nga gi-presyur siya ipakanaug sa iyang puwesto sa ABC kay adunay ilang ipuli nga maoy gusto sa alyansa nila ni City Mayor Klarex Uy ug 2nd District Cong. Rufus Rodriguez.
Dumduman nga nakaabot na kini nga isyu sa kamarabaha dihang miduso’g resolusyon si Misamis Oriental 2nd District Cong. Bambi Emano nga imbestigaran ang daw illegal nga pagpalagpot ang Tabac sa katungdanan.
