CAGAYAN DE ORO CITY, Philippines – Taas ang tsansa nga maimbitar sa Congressional Hearing si kanhi Presidente Rodrigo Duterte human giluwatan nila PDL’s Leopoldo Tan Jr. ug Fernando “Andy” Magdadaro nga nakambigit kini sa pagpatay sa tolo ka mga chinese nga nadetinar sulod sa maximum security facility sa Davao Prison ug Penal Farm sa Davao del Norte.
Miingon si Tan nga si Duterte ang misugo kang Chu Kin Tung, alias Tony Lim; Li Lan Yan, alias Jackson Li; ug Wong Meng Pin, alias Wang Ming Ping, kinsa gi-akusahan nga mga iladong Chinese Drug Lord.
Niadtong Hunyo, giimbitar sa kamarabaha si Duterte apan, wala kini magpakita.
Sa mga musunod nga adlaw laraw sa Quadrupole Committee nga taralon si Duterte sa ilang hawanan aron muhatag katin-awan sa bug-at nga akusasyon nila Tan ug Magdadaro.
Si Tan kasamtangang nag-atubang sa kasong paglapas sa RA 9165 o Comprehensive Dangerous Drugs Act of 2002, samtang si Magdadaro dunay kasong murder ug illegal possession of firearms. Silang duruha pulos napaslak sa Davao prison facility.
