CAGAYAN DE ORO CITY, Philippines (UPDATE) – Sugdan na ang extradition process sa pugante ug expelled Negors Oriental 3rd District Representative Arnolfo Teves Jr., didto sa Timor Leste.
Pagtin-aw kini ni Department of Justice Assistant Secretary Atty Mico Clavano.
Namahayag si Clavano nga dili undangan sa gobyerno ang pagnegosyar sa mga otoridad sa maong nasud, aron sama kang Alice Guo, madala usab balik sa Bureau of Immigration,
DILG ug PNP pabalik sa nasud ang pugante nga kanhi magbabalaod.
Una niini, misaad si Timor Leste President José Ramos-Horta nga sa dili madugay malapagpot na sa ilang nasud ang pugante.
Si Teves, kasamtangang nag-atubang sa patung-patong nga kasong murder human siya ang gitudlo nga utok sa pagpatay kang Negros Oriental Governor Roel Degamo, niadtong Marso 2023.
