CAGAYAN DE ORO CITY – Natapos na ang halos semana nga imbestigasyon sa board of inquiry sa Philippine Air Force o PAF sa nahagsa nga FA-50 fighter jet diin gikamatay sa mga piloto nga sila Major Jude Salang-oy ug 1Lt April John Dadulla sa Mount Kalatungan,Brgy Mirayon,Talakag,Bukidnon.
Kini ang pagsaysay ni PAF Tactical Operations Wing Eastern Mindanao comamnder Col. Ryan Reynie Sonza kabahin sa gihimong imbestigasyon sa hitabo.
Miingon si Sonza nga gilayon na nga mouli pabalik sa kauluhan ang mga imbestigador aron han-ayon ang mga impormasyon nga nakuha kabahin sa trahedya.
Siya miingon nga gitakda nila nga ipagawas ang findings sa maong sa oras nga makumpleto na ang tanang gipangayo sa imbestigasyon.
Hisayrang nahagsa ang eroplano samtang mihatag sa aerial support sa tropa sa 4ID,Philippine Army nga adunay gikamang nga 70 ka CPP-NPA rebels sa bukirang sakop sa Cabanglasan,Bukidnon sa miaging Marso 4 ning tuiga.
