CAGAYAN DE ORO CITY – Sugdan na’g imbestigar sa fact finding team nga gipanguluhan ni Konsehal Atty James Judith ang kontrobersyal nga kontrata sa panubig tali sa Cagayan de Oro Water District ug Cagayan de Oro Bulk Water Incorporated sa diha sa konseho sa syudad karong adlawa.
Gibutyag ni Judith nga tuyo niini nga matubag ang pipila ka pangutana sa maong kontrobersya kon nganong gitugtan sa kanhi board of directors sa COWD nga mopausbaw ang COBI sa bayronon sa tubig kada-abot sa tulo ka tuig.
Tipik sa imbitaron sa tulo ka adlaw nga fact finding sila kanhi City Mayor Oscar Moreno,former general managers sa COWD ingon man ang gikan sa COBI ug Rio Verde.
Nag-unang tuyo sa gitukod nga task force ni City Mayor Rolando ‘Klarex’ Uy rason naporma ang fact finding nga ma-deklara nga ‘null and void’ ang 30 ka tuig nga kontrata sa panubig sa COWD ug COBI.
Samtang walay legal nga personalidad si City Mayor Rolando ‘Klarex’ Uy ingon ang liderato sa konseho aron wad-a’g bili ang COWD-COBI water contract.
Kini ang pagpadumdom ni kanhi city vice mayor Atty Antonio Soriano kabahin sa tinguha nga ma-deklara nga walay bili ang gisudlan nga transkasyon sa water district ug Metro Pacific Waters.
Namahayag si Soriano nga masanod lang sa city govt ang balaod kon sila mogiya ug masulbad ang bayronon sa COWD apan dili paghimong ‘null and void’ sa kontrata sa panubig ngadto sa COBI.
