Namahid lang sa mga singot ug dili tungod sa mga luha ang gihimo sa pipila ka babayeng pulis nga kabahin sa naghatag seguridad sulod sa Col. Jose Villamor Airbase diin naka-hold si kanhi Pres. Rodrigo Duterte sa adlaw’ng Martes.
Kini ang gihimong pagpanghimakak ni PNP spokesperson Brig Gen Jean Fajardo kabahin sa nag-viral nga footages nga nakuhaan ang pipila ka babayeng mga pulis nga nagka-low morale tungod sa dili maayong pagtratar sa ilang kadagkuan ngadto kang Duterte.
Siya miingon nga daw susama lamang nga naghilak tan-awon apan gitrabahuan lang daw ang singot.
Apan paglabay sa pipila ka adlaw gikan nahuman ang maong komosyon sulod sa airbase, adunay pipila ka pulis ang boluntaryong nag-resign sa ilang propesyon kay wala na sila makaangay sa gipanghimo sa pipila ka police officials ngadto kang Duterte.
Hisayrang nabulit sa pagsaway ang PNP tungod sa giingong illegal nga pagdakop kang Duterte sugo sa International Criminal Court gamit ang International Police sa miaging adlaw’ng Martes.
