CAGAYAN DE ORO CITY – Kasuhan sa City Mobile Force Company sa pagsupak sa Presidential Decree 1698 o mas naila nga syndicated estafa ang grupo sa mga sindikato nga nagpayuhot sa mga peke nga bulawan nga unang nabungkag pinaagi sa entrapment operation sa Capistrano Complex,Brgy Gusa ning syudad.
Kini human unang nagpatabang sa CMFC ang biktima nga si Mitchel Naranja nga taga-Opol,Misamis Oriental hinungdang sa pagkasikop sa upat sa mga sakop sa sindikato.
Giila ni CMFC deputy commander Maj Erickson Sabanal ang mga suspek nga sila si Rey Naranjo,58,minyo,taga-Sitio Sumpong,Brgy Indahag;Junalie Licawan,58,minyo,residente sa Ganghaa,Tagoloan,Misamis Oriental;Jerson Liquinan,28,ulitawo,taga-Mindagat,Malitbog ug Jimwel Homonlay,33 nga Vista Villa,Sumilao,Bukidnon.Samtang gipangita usab ang laing mga sakop sa sindikato nga sila si alyases Ann Marie Cardona;Eugene Cardona nga managsama nga residente sa Brgy Canitoan,Vanessa Nguho,Deney Dwight Streegan nga pulos taga-Tagoloan,Misamis Oriental ug Mark Anthony Martinito nga nagpuyo usab sa Kisanday,Maramag,Bukidnon.
Una nang nabawi sa mga dinakpan ang balor 15 milyones pesos nga fake gold bars ug buddle money nga gatos-miel pesos sa miaging adlaw’ng Sabado.
