CAGAYAN DE ORO CITY-Nasikop sa kapolisan ang suspek nga nagbaton sa ilegal nga armas nga lalaki nga nagpatoong sakop sa intelligence group sa international non- govt organization sa El Salvador City,Misamis Oriental.
Giila ni El Salvador City Police Station commander Supt Randy Anito ang suspek nga si Christine Jagape Claro,34 anyos nga nagpuyo sa lungsod sa Laguindingan ning lalawigan.
Nakuha gikan sa suspek ang walay dokumento nga 9mm pistol nga dunay mga bala ug laing magazine,posas ug ID gikan sa giingong Narcotics International Assistance Group o NARIAG nga nakabase sa Quezon City.
Una niini, kaduhan ang pagpadagan sa maong suspek sakay sa iyang kawasaki motorcycle samtang paduol sa checkpoint sa PNP El Salvador City.
