CAGAYAN DE ORO CITY – Naguol tungod sa pagpaluhod sa veteran team Boston Celtics apan saludo ug gipasigarbo sa fans kuyog ang Filipino community ang tandem nila ni Luka Doncic ug Kyrie Irving sa Dallas Mavericks nga midula hangtod sa game 5 sa National Basketball Association sa Estados Unidos kaganihang buntag oras sa Pilipinas.
Kini ang eksklusibong pagsaysay sa taga-Cagayan de Oro nga nakabase na sa Texas nga si Nikko Duterte kabahin sa gidangatan sa NBA final diin nagkulang kargada sa Mavs kontra sa mas beterano nga Celtics dribblers sa pinal-iskor nga 106-88.
Gibutyag ni Duterte nga gipasigarbo nila ang nahatag nga team performance sa Dallas bisan sila ni Luka ug Kyrie lang ang gisaligan aron makaabot sa NBA finals.
Dugang niini nga bisan pildi apan nakita usab sa tanan nga gihatag sa Mavs ang tanan ang ilang makaya aron tugpangan ang mas lig-on ug mas dunay lapad nga kasinatian sa kampeonato nga Celtics.
