Nagpahimangno si Janboy Actub Spokesperson ni CIty mayor Uy sa tanang motorela drivers sa Cagayan de Oro nga sundon ang bag-ong fare matrix base sa presyo sa gasolina aron malikayan ang pag-overcharge ug posibleng penalty.Matud niya, kung ang gasolina naa sa 65 hangtod 75 pesos matag litro, ang regular nga plete 10 pesos, samtang 8 pesos sa high school, college, senior citizens ug PWDs, ug 7 pesos sa elementary pupils.Gipasabot usab niya nga kung mosaka ang gasolina ngadto sa 75 hangtod 85 pesos, ang regular nga plete mahimong 12 pesos, 9 pesos sa PWDs ug senior citizens, ug 8 pesos sa elementary.Dugang pa niya, kung moabot sa 85 hangtod 95 pesos ang gasolina, ang regular nga plete mahimong 13 pesos ug 9 pesos sa elementary, samtang kung 95 hangtod 105 pesos, ang regular mahimong 14 pesos, 11 pesos sa seniors, PWDs ug high school, ug 10 pesos sa elementary.Sa katapusan, iyang gipahimangno nga estrikto ang implementasyon sa maong fare matrix ug adunay angay nga silot sa mga motorista nga dili mosunod aron maprotektahan ang mga pasahero. (James Oliver)
