CAGAYAN DE ORO CITY – Angayang mapaubos sa balansi nga pagtoon ang sugyot nga usbawan ang pletehan sa traditional ug modernized jeepneys nga apil sa naigo sa pagsaka sa presyo sa produktong petrolyo sa nasud.
Kini ang reaksyon sa corporate lawyer nga si kanhi City Mayor Oscar Moreno sa pagpasuspenso ni Pres Bongbong Marcos sa un-peso nga usbaw sa pletehan sa traditional jeepneys ug 2-pesos sa modernized passenger units sa hukom sa DoTR sa miaging semana.
Namahayag si Moreno nga angayang magmatngon ang gobierno sa mga ipakanaug nga hukom ilabina nga dili pa matumbok kung kanus-a mahuman ang gimugnang pag-atake sa Amerika kuyog ang Israel ngadto sa Iran sa kasadapang bahin sa Asya.
Hisayrang nakatilaw sa grabeng pagbatikos si Marcos sa kalit pagbakwi sa aprobadong umento sa pletehan sa tradisyonal ug modernong jeepneys kay wala daw kini sa ensaktong tayming.
