CAGAYAN DE ORO CITY – Napahimutang na sa pasilidad sa Bureau of Jail and Management Penelogy (BJMP) ang 27 anyos nga farm caretaker nga pinangita tungod sa upat ka ihap sa kasong ‘staturory rape’ nga nagtagu-tago sa Oroquieta City,Misamis Occidental.
Kini human gisilbi sa kapolisan ang warrant of arrest batok sa akusado nga si Lito nga nagpuyo sa susama nga lugar.
Sugilon ni Police Regional Office 10 spokesperson Major Joann Navarro nga subay sa impormasyon nga gipadangat sa ilang lower unit nga maoy nagsilbing biktima ang mismong 14 anyos nga babayeng hinigugma niini nga nakipuyo lang iyaan niini nga silingan lang sa akusado.
Tungod niini,gilayong gipasidunggan ni PRO 10 Director Brig Gen Jaysen De Guzman ang kalampusan sa ilang kapolisan nga pagsignit sa akusado nga nakahimo sa maong mga binuhatan sa milabay’ng Mayo 2024.
