CAGAYAN DE ORO CITY – Walay foul play nga nakit-an ang kapolisan sa kamatayon sa trabahante sa Agrinanas Devt Corporation nga nakabase sa lungsod sa Libona,Bukidnon.
Kini human unang naigo sa mihapak nga kilat ang biktima nga si Aldren Balde,36 anyos samtang pabalik na unta sa opisina aron mag-out gikan sa trabaho.
Miingon si Sr Master Sgt Charlie Nitcha Jr,imbestigador sa Libona Police Station nga sakay sa motorsiklo ang biktima sa dihang kalit mikilat ug miigo sa lawas niini.
Gidala pa sa mga nakasaksi ang biktima sa ospital apan dead on arrival na kining naatiman sa mga doktor sa miaging adlaw.
