CAGAYAN DE ORO CITY – Gitumbok sa mga imbestigador nga faulty electrical wiring ang nag-unang rason sa pagkasunog sa Camp 1 Elementary School sa Brgy Agusan Canyon,Manolo Fortich,Bukidnon.
Kini ang pagtug-an ni Manolo Fortich Mayor Rogelio Quiño kabahin sa maong hitabo.Miingon ang mayor nga kabahin usab sa rason nga nasunog ang maong tunghaan ang sobra ka karaan niini nga milungtad na sa 67 ka tuig.
Hinoon,may gihimo na sila nga aksyon kuyog ang DepEd-Bukidnon aron mapahimutang sa ensakto ang gatusang kabataan nga dili maapektuhan ang ilang mga pagtoon.
Hisayrang sobra 11 milyones pesos ang structural damage sa hitabo sa miaging Nob 1.
