CAGAYAN DE ORO CITY –Nagsilbing numero nga property tax payer ang FDC Power Corporation alang sa panudlanan sa Misamis Oriental ning tuiga.
Kini human nakabayad ang kompanya sa ilang obligasyong buluhisan sa dul-ag 60 milyon pesos sulod na sa tulo ka kuwarter ning tuiga.
Miingon si FDC chief executive officer ug president Juan Eugenio Roxas nga dako ang ilang pagpasalamat ngadto kang Gov Bambi Emano nga gihatagan sila’g pagtagad sa gibayad nila nga buhis samtang anaa ang presensiya nila sa lalawigan.
Miingon si Roxas nga nalipay sila sa ilang nasayran kon asa gigamit ang gibayad nila nga buluhisan.
Gawas sa FDC,gihatagan usab sa pasidungog ang Minergy Power Corporation,Holcim Philippines, MORESCO-1 ug laing unom ka dagkong kompanya nga naglihok sa lalawigag ato sa flag raising sa kapitolyo probinsyal kagahapon sa buntag.
Mitala ang Minergy sa P40.2 milyon; Holcim Philippines Corporation, P24 milyon; Moresco 1, P12.7 milyon; Coca Cola Femsa Philippines, P9.6 milyon; Steag State Power Inc., P6.9 milyon; Fast Services Corporation, P5.1 milyon; Indorama Ventures Packaging Philippines, P3.07 milyon; Axelum Resources Inc.,P2.8 milyon ug Nutrimax Fresh Baked Inc nga dunay P2.6 milyon.
