Gipasidad-an sa Trump Administration nga posibleng pasakahan sa kaso si Federal Reserve Chair Jerome Powell tungod sa iyang testimonya sa Kongreso bahin sa proyekto sa building sa Fed. Giingon ni Powell nga kini usa ka “pretext” o “pasumangil” aron makontrol ang Fed. Matod pa niya, ang tinuod nga rason mao ang presyur sa administrasyon nga ipaubos ang interest rates, dili ang proyekto sa bilding o ang oversight sa Kongreso. Ang senador nga si Thom Tillis miingon nga iyang supakon ang bisan unsang hulga ni Trump sa Fed hangtod masulbad ang legal nga isyu, tungod kay nagduda siya sa independensya sa Department of Justice. Bisan pa sa tensyon, nagpadayon si Powell sa iyang trabaho sa Fed, ug ang merkado wala ra kaayo naapektohan sa mga plano sa interest rates. (JANE ABULAG)
