Mibahad si US President Elect Donald Trump nga langkaton sa puwesto ang tanan federal workers nga hangtud karon wala pa namalik gikan sa work from home set-up gikan sa Biden administration.
Gikalagot ni Trump ang mga trabahante nga igo ra mudawat sa suhulan ug mupasa sa ilang dokumento nga walay pagsulod sa mga buhatan sa ilang gobyerno.
Napatuman ang remote work set up tungod sa pagkuyanap sa COVD-19 pandemic sa 2020 sa Amerika.
Gibulgar ni Trump nga anaa sa 47,000 ka ihap sa mga empleyado ang gipaubos sa remote jobs sa White House, ug usa sa iyang gitahasan sa paglangkat sa maong mga empleyado mao si business billionaire tycoon Elon Musk.(Bombo Anne Quileste)
