Layo ug taas pa man ang proseso, wala hinuon mawad-i sa paglaom ang pundok sa mga mamumuo sa ilang dugay na nga hangyo nga 1,200 pesos nga living wage, busa padayon gihapon ang ilang panawagan ug pagpresyur sa gobyerno ilabi na karong magpadayag na usab sa iyang SONA ang pangulo.
Sumala pa ni Atty. Sonny Matula, presidente sa Federation of Free Workers, ang gibanabanang usa ka libo ug duha ka gatos ka pesos nga suholan ang maghatag og tinuod nga kasigurohan sa mga trabahante bisan pa man og subidahon o lisod ang maong tinguha.
Gani, giawhag niya ang tanan nga ilakip kini sa ilang mga panawagan aron iyang matataw ang pagpataas sa sweldo karong Lunes, Hulyo 27.
Busa gihingusgan niya nga kinahanglan gyud kining padayon nga ipaglaban ug isingit sa mga sunod nga lakang sa administrasyon aron makab-ot ang makiangayon nga kaayuhan sa matag pamilyang Pilipino.
