CAGAYAN DE ORO CITY – Nagtoo ang pipila ka Filipino-Americans nga tinud-on ni US Pres Donald Trump ang iyang sulti nga adunay minilyong immigrante nga mapugos pagpanguli ngadto sa ilang tagsa-tagsa ka kanasuran.
Kini epekto sa panganti ni Trump nga mopatuman sa mass deportation aron mahataga’g katumanan ang iyang gisulti nga prioridad mahatagan sa pag-atiman ang mismong mga Amerikano.
Namahayag si Bombo International News Correspondent Nikko Duterte nga hinoon,kumbinsido kini nga angay na usab limpyohan sa ubay-ubay’ng dautang tawo ang Amerika nga usahay tinubdan sa dagkong kremin.
Siya miingon nga dili usab mawala ang interes sa Amerika nga panalipdan ang Pilipinas pag-abot sa isyu sa West Philippine Sea kay nagsilbi kining dakong harang sa kagustuhan sa China nga maghari sa Asya.
Samtang kulang sa bilib ng laing Pinoy worker nga si Bombo International News Correspondent Fredie Nakita sa unod sa speech ni Trump.
Kini human tukia ni Trump ang pipila ka sensitibong isyu nga nag-sentro sa interes sa Amerikano sa pagsugod sa trabaho niini kagahapong adlawa.
Miingon si Nakita nga lisod tuhuan ang ubang mga saad ni Trump ilabina nga nasuyan na kini sa una niya nga termino.
Apan angayang gihapon nga suportahan ang liderato ni Trump kay siya man ang nahatagan sa mandato sa miaging US presidential elections sa maong nasud sa miaging tuig.
