Namahayag si United States President Donald Trump nga iyang mandoan ang federal agencies alang sa pagpagawas sa mga government files nga may kalabotan sa aliens ug Unidentified Flying Objects (UFO).
Gipadayag kini ni Trump human gi-akusaran si kanhing US President Barack Obama nga mibutyag sa ‘classified information’ diin miingon siya nga “aliens are real”.
Matod ni Trump, bawal ang gibuhat ni Obama ug midugang nga wala siya nakahibalo kon tinuod ba kini o dili.
Subay niini, namahayag si Obama nga samtang siya ang nangulo sa Estados Unidos, wala siyay nakita nga ebidensiya nga nakig‑contact ang “extraterrestrials”, ug hisayran nga niadtong tuig-2024 gipaambit sa Pentagon nga ang mga giingong UFO sightings kasagarang ordinaryong butang lang. (Phillip Ariata)
