CAGAYAN DE ORO CITY – Gihinaut sa mga paring Pinoy nga nakabase sa Roma nga ipadayon sa mga debotong Katoliko sa Pilipinas ang pagsunod sa mga maayong gawi nga napakita ug napabati ni Pope Francis sa pagligid sa kapanahonan.
Kini taliwala nga gisakitan ang simbahang Katoliko sa kamatayon ni Papa Francisco sa edad 88 tungod sa komplikasyon nga balatian sulod sa iyang Santa Marta House sa Vatican niadtong Lunes sa buntag.
Miingon si Fr. Arnel Bahian,SSJV nga on-study sa Vatican nga kung unsa man ang gibilin nga maayong pagtulun-an sa santo papa angayan kining ipadayon.
Kini tungod kay gisunod lamang usab sa giila nga ‘best pope’ nga si Francisco ang dugay nang mga sugo ni Kristo alang sa tanan kaliwatan ning kalibutana.
Hisayrang ilubong si Pope Francis tupad sa iyang balay nga gipuy-an ugma sa buntag apan hapon na dinhi sa Pilipinas.
