CAGAYAN DE ORO CITY – Mi-apelar sa dugang mga pag-ampo ang mga paring Cagay-anon nga nagtungha sa Roma alang sa ikahingpit nga pagkaayo sa nagmasakiton nga si Pope Francis didto sa Vaticano.Kini bisan nga aduna na’y gamay’ng paglambo sa kalagsik sa panglawas sa santo papa.
Miingon si Rev. Fr. Coke Daryl Prieto, sakop sa Archdiocese sa Cagayan de Oro nga nagtungha sa Vaticano nga gikinahanglan pag-ayo ni Pope Francis ang mga pag-ampo tungod sa gihambingm mga balatian.
Siya miingon nga namapatud-an na kung unsa ka lig-on ang pag-ampo kay hinay-hinay nang napabalik ang kusog sa santo padre.
Una nang mihalad sa santos nga misa ug mga pag-rosaryo si Filipino Cardinal Luis Antonio Tagle nga usa sa mga sinaligan sa simbahang Katolika nga nakabase sa Vaticano dihang nasulod sa ospital si Pope Francis sukad Pebrero 14 ning tuiga.
