Gibisita kagahapon ni First Lady Marie Louise Araneta Marcos ang dakbayan sa Cagayan de Oro alang sa pagtak-op sa programang Lab for All medical mission nga gipahigayon sa usa ka unibersidad sa syudad.
Sa maong kalihokan, kapin sa 1,500 ka indibidwal ang nakadawat og nagkalain-laing serbisyo ug assistance.
Gitambongan usab ang programa nila City Mayor Rolando Uy ug Vice Mayor Jocelyn “Bebot” Rodriguez, uban sa mga representante sa nagkalain-laing national agencies nga mitanyag og serbisyo ngadto sa publiko.
Nasayran nga ang Lab for All medical mission usa ka inisyatiba mismo sa First Lady isip kabahin sa pagduol sa serbisyo sa gobyerno ngadto sa katawhan.
