CAGAYAN DE ORO CITY – Nadasig si Ginang Jacquelyn Esclavela nga taga Upper Kolambog Brgy Lapasan sa pagdonar sa dugo tungod sa iyang bana nga nagsilbing PHILIPPINE RED CROSS (PRC) galloner, ning adlawa.
Sa interbyu sa Bombo Radyo, miingon ang 42 anyos nga ginang nga nakita niya ang kabaskog sa lawas sa bana.
Siya miangkon nga sukad, wala siya nakadumdum nga nagsakit ang iyang bana ug nakita niya ang maayong epekto sa regular nga pagdonar sa dugo.
Una niini, mitug-an sab si Ginang Esclaver nga mibati siya’g pangurog usa ka adlaw sa dili pa ang Dugong Bombo.
Nahimong succesful blood donor ang maong ginang ug gipasigarbo niini ang iyang red cross card, T-shirts ug certificate.
