Gisaulog sa gatusan ka mga mangingisda sa Subic, Zambales kauban ang Atin Ito Coalition ang ika-10 nga anibersaryo sa kadaugan sa Pilipinas sa arbitral ruling batok sa China pinaagi sa usa ka gilusad nga sea action niadtong Dominggo.
Gihangyo sa maong grupo nga ideklarar ang Hulyo 12 isip National West Philippine Sea Victory Day aron mahinumdoman sa mga umaabot nga henerasyon ang kamatuoran ug kaisog sa mga Pilipino sa pagdepensa sa atong soberanong katungod.
Mahinungdanon ang maong lakang sumala pa ni Atin Ito Co-Convenor nga si Rafaela David aron mapalig-on ang kahibalo sa publiko ug dili malubog sa disinformation ang tinuod nga nahitabo sa atong kadagatan.
Bisan pa sa maong kalampusan, nanawagan gihapon si Leonardo Ka Nards Cuaresma, ang presidente sa New Masinloc Fishermen Association, nga padayon ang pagpakig-away tungod kay nagpabilin ang agresyon ug pagpanghasi sa China sa atong mga tradisyonal nga dapit sa pangisdaan.
