Mag-host si First Lady Liza Araneta-Marcos sa inisyatibang “Fostering the Future Together” pahinungod kang US First Lady Melania Trump sa Nobyembre 16 isip kabahin sa mga kalihokan nga giubanan sa 49th ASEAN Summit sa Manila.
Tumong sa kalihokan ang pagpalig-on sa kooperasyon tali sa mga nasod aron masangkapan ang kabatan-onan sa hustong kahibalo, teknolohiya, ug mga kapanguhaan alang sa mas maayong kaugmaon.
Sumala sa pahayag sa White House, giingon ni Trump nga adunay komon nga responsibilidad ang mga lider sa pag-andam sa sunod nga henerasyon aron makahulma og mas maayong kalibotan.
Gilauman usab nga motambong ang mga kapikas sa mga lider gikan sa lainlaing nasod sa rehiyon aron makigbahin sa forum. Sentro sa diskusyon ang online youth protection ug ang pagpanalipod sa kabatan-onan batok sa mga hulga nga ilang maatubang sa digital nga kalibotan.
