Gipatas-an na ngadto sa 65 pesos ang minimum nga pletehan o flag down rate sa mga taxi tungod sa sigeg saka sa presyo sa petrolyo nga miabot na sa labaw sa 90 pesos matag litro.
Sumala ni CAFITADA President Bernie Jamaca, bisan og sakit sa bulsa sa mga sumasakay, dako kini nga tabang sa panginabuhian sa mga drayber ug operator aron adunay madala nga kita para sa pamilya.
Giklaro usab ni Jamaca nga magpabilin gihapon sa 13.50 pesos ang bayad sa matag sumusunod nga kilometro ug 2 pesos ang waiting time sa metro.
Tungod niini, gipahinumdoman ang publiko nga susihon pag-ayo ang metro sa taxi sa dili pa mobyahe aron masayran kon 40 o 50 pesos ang nag-unang rehistro, kay magdugang lang og 25 o 15 pesos sumala sa nirehistro sa metro.
