CAGAYAN DE ORO CITY – (update) Patay ang sundalo ug laing kauban ang samaran sa padayong engkuwentro tali 58th IB, Philippine Army batok 80 ka miembro sa rebeldeng New People’s Army o NPA sa Mt. Balatukan nga nahimutang sa Gingoog City ug Claveria Misamis Oriental.
Namahayag si 403rd IB civil military officer Capt. Ryan Layug nga usa ka IP member ang namatay nga sundalo ug naigo kini sa mga bala samtang nakig-engkuwentro sa mga rebelde sulod sa 30 ka minutos.
Gikasubo ni Layug ang kamatayon sa ilang miembro.
Una niini, nadakpan sa militar ang usa ka sakop sa NPA bitbit ang iyang M-16 rifle ug subersibong dokumento.
