CAGAYAN DE ORO CITY – Boluntaryong misurender pinaagi sa Region X Task Force to End Local Communist Armed Conflict ang sitenta ka mga nagpatoong sakop sa Communist Party of the Philippines – National Democratic Front – New Peoples Army
kon CPP-NDF-NPA, sa Talakag Bukidnon.
Base sa impormasyon nga gipaabot sa Bombo Radyo, 29 sa mga mitahan, miyembro sa militia ng bayan, lima ka cadre sa CPP sub regional committee 5, samtang ang uban mga sympathizers ubos sa Hingpit na Organisadong Masa (HOM), ug Sangay sa Partido sa Lokalidad (SLP).
Nahitabo ang mass surrender sa San Rafael Talakag Bukidnon, kundiin nanumpa sila nga dili na mubalik sa pulang hukbo, atubangan ni Talakag Mayor Vergito Factura, ug ni 1Lt Louise Heredia, battalion commander sa 65IB.
Hisayran nga pulos mga residente sa Barangay San Rafael, Indulang ug Tikalaan nagsumikad ang mga rebel returnees.
Grabeng kagutom, pag-antos sa mga bakak ug gustong mabuhi sa desente ang rason sa pagtahan sa mga rebelde.
Una niini, nakigdiyalogo ang naglangkob sa task force sa mga surrendee ug mipasabot sa maayong plano sa gobyerno alang kanila ubos sa Convergence Areas for Peace and Development (CAPDev) programs sa administrasyong Duterte.
