CAGAYAN DE ORO CITY – Nasunog ang balay nga gipanag-iya sa usa ka madre sa Brgy. Lumbia, ning syudad, kagabie.
Gibutyag ni Police Capt. Jerson Estanilla, hepe sa Lumbia Police station nga nakadawat silag report sa pagkasunog sa balay ni May Therese Arguelles, 56 anyos ug residente sa maong dapit.
Namahayag ang caretaker sa balay nga si Cristin Mae Pasiol, 26 anyos, dalaga, nga nagsugod ang kalayo sa ikaduhang andana sa ilang puy-anan.
Nagsugod ang sunog alas 9:15 ug na fireout alas 11:23 sa gabie.
Misaka sa P600,000 ang inisyal nga damyos sa sunog human gama lang sa light materials ang maong balay
Miligid na ang imbestigasyon kung unsa ang hinungdan sa sunog.
