CAGAYAN DE ORO CITY – Naka full-alert status na ang tibook dakbayan sa Cagayan de Oro, taliwala sa gipatumang Martial Law sa tibook isla sa Mindanao.
Gibutyag ni Cagayan de Oro City Police Office (COCPO) spokespman Lt. Col Mardi Hortillosa nga nakapukos ang mga kapulisan sa ilang deployment sa mga nag-unang simbahan, terminal ug pantalan nga dagsaon sa mga katawhan panahon sa senama santa.
Gipaniguro sa COCPO nga luwas ang tanan mupanaad sulod sa kasimbahanan ug sa tanan inilang mga religious sites nga sakop sa syudad.
Subli nagpadumdum ang mga otoridad nga gidili ang pagdala sa packbags, pagsul-ob sa mga jacket nga dunay hood, ug pagshades sulod sa simbahan.
Gidili sab ang pagbitbit sa hinagiban ug armas.
Gipanawagan sa COCPO ang publiko nga maglikay sa mga ipakatag sa social media nga mga bomb jokes.
